ದಿಗ್ವಿಜಯ ಭಾರತ ಪಕ್ಷ

ಆತ್ಮೀಯರೇ,

ಡಾ. ಅರವಿಂದ್ ರಾಜೀವ್

ದಿಗ್ವಿಜಯ ಭಾರತ ಪಕ್ಷದ ಸಂಸ್ಥಾಪಕ, ರಾಷ್ಟ್ರೀಯ ಅಧ್ಯಕ್ಷ, ದಿಗ್ವಿಜಯ ಭಾರತ ಪತ್ರಿಕೆಯ ಮುಖ್ಯ ಸಂಪಾದಕ, ಎಸಿಬಿ ನ್ಯೂಸ್ ಕರ್ನಾಟಕದ ಮುಖ್ಯ ಸಂಪಾದಕ

ನಾನು ಡಾ. ಅರವಿಂದ್ ರಾಜೀವ್, ದಿಗ್ವಿಜಯ ಭಾರತ ಪಕ್ಷದ ಸಂಸ್ಥಾಪಕ, ಮತ್ತು ರಾಷ್ಟ್ರೀಯ ಅಧ್ಯಕ್ಷ, ಹಾಗು ದಿಗ್ವಿಜಯ ಭಾರತ ಎಂಬ ಹೆಸರಿನ ಪತ್ರಿಕೆಯ ಮುಖ್ಯ ಸಂಪಾದಕನಾಗಿದ್ದು , ಎಸಿಬಿ ನ್ಯೂಸ್ ಕರ್ನಾಟಕ ಎಂಬ ನ್ಯೂಸ್ ಚಾನೆಲ್ ನ ಮುಖ್ಯ ಸಂಪಾದಕನಾಗಿದ್ದು ಸರ್ಕಾರಿ ಅಧಿಕಾರಿಗಳ, ಭ್ರಷ್ಟರ, ಭೂ ಗಳ್ಳರ ವಿರುದ್ಧದ ಧ್ವನಿಯಾಗಿರುತ್ತೇನೆ.

ದಿಗ್ವಿಜಯ ಭಾರತ ಪಕ್ಷ 2019 ರಂದು ಫೆಬ್ರವರಿ ತಿಂಗಳಿನಲ್ಲಿ ಕೇಂದ್ರ ಚುನಾವಣಾ ಆಯೋಗದಲ್ಲಿ ನೋಂದಣಿಯಾಗಿರುತ್ತದೆ, ಕರ್ನಾಟಕ ರಾಜ್ಯದ ಪ್ರಾದೇಶಿಕ ಧ್ವನಿಯಾಗಿ ರಾಜ್ಯದ ಪ್ರಗತಿಗೆ ಶ್ರಮಿಸಲು ಮತ್ತು ಕರ್ನಾಟಕವನ್ನು ಮಾದರಿ ರಾಜ್ಯವನ್ನಾಗಿ ಮುನ್ನಡೆಸಲು ಸ್ಥಾಪಿಸಿದಂತಹ ಪಕ್ಷವಾಗಿರುತ್ತದೆ, ಅತಿ ಮುಖ್ಯವಾಗಿ ರಾಜ್ಯದಲ್ಲಿ ಶಿಕ್ಷಣವನ್ನು ಮೇಲ್ದರ್ಜೆಗೆ ಏರಿಸಲು ಹಾಗೂ ಸರ್ಕಾರಿ ಶಾಲೆಗಳಲ್ಲಿ ಉನ್ನತ ಮಟ್ಟದ ವ್ಯಾಸಂಗ ಬಡ ಮತ್ತು ಮಧ್ಯಮ ವರ್ಗದ ಕುಟುಂಬದ ವಿಧ್ಯಾರ್ಥಿಗಳಿಗೆ ಉಚಿತವಾಗಿ 12 ನೆಯ ತರಗತಿಯವರೆಗೂ ದೊರಕಬೇಕೆಂಬ ಆಶಯ, ಅತ್ಯಂತ ವಿಶೇಷವಾದ ಪರಿಸ್ಥಿತಿಯಲ್ಲಿ ರಾಜ್ಯದ ಕುಗ್ರಾಮ ಪ್ರದೇಶಗಳ ಹೆಣ್ಣು ಮಕ್ಕಳು ಈಗಲೂ ಸಹ ತಿಂಗಳ ಮುಟ್ಟಿನ ಸಂದರ್ಭದಲ್ಲಿ ಉಪಯೋಗಿಸುವಂತೆ ಸ್ಯಾನಿಟರಿ ಪ್ಯಾಡ್ ಗಳನ್ನು ಜೀವನ ಪರ್ಯಂತ ಕೈಗೆಟುಕುವ ದರದಲ್ಲಿ ಅಂದರೆ (ಹತ್ತು ರೂಪಾಯಿಗಳಿಗೆ ಅಗತ್ಯಕ್ಕೆ ಬೇಕಾಗುವಷ್ಟು) ನೀಡುವ ಮಹತ್ವಾಕಾಂಕ್ಷಿ ಯೋಜನೆ, ಸ್ಯಾನಿಟರಿ ಪ್ಯಾಡ್ ಗಳನ್ನು ಗೃಹ ಉದ್ಯಮವಾಗಿ "ಸ್ತ್ರೀ ಸ್ವಾವಲಂಬಿ" ಉದ್ಯಮವಾಗಿ ನಡೆಸಲು ನೆರವು ನೀಡುವ ಮೂಲಕ ಒಂದು ಯಶಸ್ವಿ ಉದ್ಯಮವಾಗಿ ರಾಜ್ಯದಲ್ಲಿ ಶುಚಿ-ಸೌಖ್ಯ ಎಂಬ ಘೋಷ ವಾಕ್ಯದೊಂದಿಗೆ, ಹಾಗು ಹೆಣ್ಣು ಮಕ್ಕಳ ಮೇಲಿನ ಅತ್ಯಾಚಾರ ಮತ್ತು ಲೈಂಗಿಕ ದೌರ್ಜನ್ಯದ ವಿರುದ್ಧ ಕಠಿಣ ಕ್ರಮ, ಪಶು ಸಂಗೋಪನೆ, ಕುರಿ-ಕೋಳಿ, ಹಂದಿ ಸಾಕಾಣಿಕೆ, ಕೆರೆಗಳ ಮರು ಸ್ಥಾಪನೆ, ಭ್ರಷ್ಟಾಚಾರದ ಕಡಿವಾಣ ಇನ್ನೂ ಹಲವು ಯೋಜನೆಗಳನ್ನು ಜಾರಿ ಗೊಳಿಸಲು ಮುಂದಾಗೇಬೇಕೆಂಬ ಮತ್ತು ರಾಜ್ಯದಲ್ಲಿ ಸಂಪೂರ್ಣ ಮದ್ಯ ಪಾನ ನಿಷೇದ ಜಾರಿಗೆ ತರುವ ನಿಟ್ಟಿನಿಂದ ಈಗಾಗಲೇ ಅಬಕಾರಿ ಇಲಾಖೆಯ ವಿರುದ್ಧ ಸುಮಾರು ಆರು ವರ್ಷಗಳ ಹಿಂದಿನಿಂದ ಹೋರಾಟ ನಡೆಸಿಕೊಂಡು ಬಂದಿದ್ದೇವೆ, ಇನ್ನು ಹಲವಾರು ಯೋಜನೆಗಳ ಮೂಲಕ ಕರ್ನಾಟಕ ರಾಜ್ಯವನ್ನು ಮಾದರಿ ರಾಜ್ಯವನ್ನಾಗಿ ರೂಪಿಸಲು ಕನ್ನಡ ನಾಡಿನ ಸಮಸ್ತ ಜನತೆಯ, ಮತದಾರದ, ಆಶೀರ್ವಾದ ಅವಶ್ಯಕತೆಯಿದೆ, ಎಲ್ಲಕ್ಕಿಂತ ಮಿಗಿಲಾಗಿ ರಾಜ್ಯದ ವಿದ್ಯಾವಂತ ಯುವ ಸಮೂಹಕ್ಕೆ ರಾಜಕೀಯವಾಗಿ ಭಾಗವಹಿಸಲು ಸದವಕಾಶ ನೀಡಲು ಮುಂದಾಗಿದ್ದೇವೆ.

ಗ್ರಾಮ ಪಂಚಾಯಿತಿ, ತಾಲೂಕು ಪಂಚಾಯತಿ, ಜಿಲ್ಲಾ ಪಂಚಾಯಿತಿ, ನಗರಸಭೆ, ಪುರಸಭೆ, ಗ್ರೇಟರ್ ಬೆಂಗಳೂರು ಪ್ರಾಧಿಕಾರ ಚುನಾವಣೆಗಳಲ್ಲಿ ಸ್ಪರ್ಧಿಸಲು ವಿಧಾನಸಭೆ ಮತ್ತು ಲೋಕಸಭೆ ಚುನಾವಣೆಗಳಲ್ಲಿ ಮುಕ್ತ ಅವಕಾಶ ನೀಡಲು ಸೃಷ್ಟಿಯಾದಂತಹ ವೇದಿಕೆಯಾಗಿ ದಿಗ್ವಿಜಯ ಭಾರತ ಪಕ್ಷ ಸ್ಥಾಪಿಸಲಾಗಿದೆ.